Жители на Битола за А1он тврдат дека партиски членови бараат сигурни гласови за кои нудат по 200 евра.
-Почна да работи машинеријата на власта и на овие избори. Панично се нудат пари за сигурни гласови. Сега се нудат по 200 евра за глас или по 500 евра за цело семејство доколку сигурно гласаат за партијата на власт, тврдат жители на Битола за А1он.
Тие посочуваат дека се нудат и вработувања во РЕК Суводол за што се бараат 30 гласови. Ветувањето за вработување сепак се однесува за после избори, кога е нејасно дали воопшто ќе се исполни со оглед дека многумина така останаа без работа во изминатите гласачки циклуси.
На митингот на ВМРО-ДПМНЕ во Битола, голем дел од присутните беа донесени до автобуси од Прилеп и околината.
