Ременски: Пензионерите не го добија реалното зголемување на пензиите

Од:

Министерката за труд и социјална политика Фросина Ташевска-Ременски денеска на прес-конференција информира дека со линеарното усогласување на пензиите што се примени во 2014, 2015 и 2016 година, близу 300.000 пензионери не го добија реалното зголемување на личната пензија.

– Не им се кажува на пензионерите дека со измените на Законот за пензиското и инвалидското осигурување што ги направија во октомври 2015 година, истите тие ја ставија вон сила законската обврска на државата за усогласување на пензиите двапати во година, на 1 јануари и на 1 јули во годината. Со овие измени се воведе услов усогласувањето на пензиите да се врши еднаш во 2016 година во висина од 5 отсто линеарно за сите корисници на пензија во еднаков износ и тоа со исплата на септемвриската пензија во октомври 2016 година, рече Ташевска-Ременски.

Но, во јули 2016 година, како што рече, го изменија и ова и утврдија дека усогласувањето на пензиите место со септемвриската пензија, ќе се изврши со ноемвриската исплата на пензии во декември 2016 година, што беше претставено како партиски подарок за пензионоерите, а не како законска обврска.

Според неа, пензиите и пензискиот фонд се отворена рана на македонското општество. Таа потенцира дека правото на пензија не е подарок од државата бидејќи пензијата се пресметува од остварените плати на секој осигуреник и остварениот стаж.

Би можело да ве интересира

Филипче: Потребна е промена на организациската поставеност за поголемо вклучување на членовите

Предраг Петровиќ

СДСМ: ДПМНЕ го излажа народот, Митева и 77-те послушници на Мицкоски имаа можност да зборуваат ама молчеа

Предраг Петровиќ

(ВИДЕО) Конгресот на СДСМ ќе продолжи откако општинските организации ќе се произнесат за Извештајот за претседателските и парламентарните избори

СДСМ го одржува 29. Конгрес – Ковачевски вели: Очекувам партијата да излезе посилна и пообединета

Горан Наумовски

СДСМ на отчетен Конгрес ќе ги анализира изборните резултати

(ВИДЕО) Филипче: Недостасува јавна и експертска дебата, има нејасни сегменти за поделба на министерствата