Европската комисија упати денска силен повик да се запре со заплашување, притисоци и насилства врз новинарите во целиот свет. Повикот е упатен по повод Меѓународниот ден на борба против неказнување злосторства над новинари што се одбележува на 2 ноември.
– Постојаното заплашување, притисокот и насилството над новинари што се случува во светот, мора да престане, се вели во заедничка изјава на ЕК.
Во изјавата се истакнува дека слободата на медиумите и медиумскиот плурализам се од клучна важност за слободно, плуралистичко и отворено општество и оти нападите врз новинари се напади врз демократијата.
– Ги повикуваме сите држави медиумски фирми, медиумски професионалци и сите заинтересирани страни да ги здружат напорите за да се запре со злосторства врз новинари, се вели во соопштението.
Се истакнува и дека за ЕК безбедноста на новинарите, блогерите и медиумските актери е прашање од највисок приоритет. Потписиницте повикуваат сите држави да спроведат резолуција на ОН за безбедност на новинарите, усвоена неодамна.