Времето во Македонија ќе биде претежно облачно со повремен дожд. Повеќе врнежи се очекуваат претпладне и кон крајот на денот во западните делови од земјава. Ќе дува умерен ветер, а наместа засилен ветер од југоисточен правец. Наместа особено во Пелагонија ќе се засилува и се очекува да достигне до околу 70 км/час.
Утринската температура ќе се движи од четири до 11, а дневната од 10 до 16 степени.
Во Скопје ќе биде променливо облачно и релативно свежо време со повремен слаб дожд, особено предпладне.
Температурата ќе се движи од девет до 15 степени.
Повремени локални врнежи од дожд ќе има в сабота особено во западните делови од земјава. А од недела до среда следува период на стабилно, суво и потопло време. Потоа, од четврток повторно се очекуваат врнежи од дожд и опаѓање на температурата на воздухот.