Британската Влада ќе отфрли каков било обид за поништување на резултатот од референдумот за напуштање на Европската унија или неоправдано да се успори процесот на напуштањето на Унијата, изјави министерот одговорен за брегзит, Дејвид Дејвис.
– Нашата задача е јасна и ние ќе отфрлиме каков било обид за поништување на резултатот од референдумот, како и секој обид за успорување на процесот или за задржување на Британија во ЕУ преку задна врата од оние кои не го посакуваа одговорот од 23 јуни, нагласи Дејвис во парламентот.