Гласачите во Азарбеџан со огромно мнозинство, одобрија зголемување на времетраењето на мандатот на претседателот од пет на седум години, јави ТАСС, повикувајќи се на неконечни резултати од спроведениот референдум.
Според податоците на азарбеџанската Државна изборна комисија, по пребројувањето на 70,2 отсто од гласачките ливчиња, 91,2 проценти го поддржале продолжувањето на претседателскиот мандат.
Соодветниот член од Уставот се дополнува со предлогот претседателот да може да распишува предвремени избори за шеф на државата.
Претседателот првпат добива право да може да го распушти парламентот – според добиените резултати 87,4 проценти од гласачите го поддржале овој предлог за промена на Уставот.
На референумот своето право на глас го оствариле 69,7 проценти од гласачите.