Собранието на Македонија ќе го разгледува Извештајот на Специјалното јавно обвинителство на 120-та седница што е закажана за в понеделник, 26 септември.
Катица Јанева, специјалната обвинителка, во законскиот рок го достави Извештајот за активностите на Јавното обвинителство за гонење на кривичните дела поврзани и кои произлегуваат од содржината на незаконското следење на комуникациите за период од шест месеци.
Во рамките на 120-та седница на Собранието пратениците ќе го разгледуваат и Годишниот извештај за работата на јавните обвинителства во Република Македонија за 2015 година.
Претходно двата извештаи на СЈО и на Јавното обвинителство на РМ ќе ги разгледува Комисијата за политички систем и односи меѓу заедниците.