Вандалски чин во Дебар.Обезглавена и оскврнавена е бистата на првоборецот Здравко Чочковски, која се наоѓа во дворот на дебарската гимназија .
Извршители за ова гордо се пофалија на Фејсбук, тоа се млади дебарчани, кои пишуваат погрдни зборови за Македонија и за првоборецот .
Гимназијата, името Здравко Чочковски го носи од самиот почеток во 1960 година.
Тој е дебарски првоборец, роден 1921 година, а загинал за време на Февруарскиот поход. Во гимназијата наставата се одвива на македонски и албански наставен јазик, има околу 800 ученици од нив околу 350 на македонски.
Со одлука на Советот на општина Дебар училиштето беше преименувана во „28 ноември“ и првото празнување на патронот е закажано за 28 ноември во спортската сала што се наоѓа во дворот на гимназијата.
Со едногласно донесената одлука и со запазување на Бадентер, основното училиште „Братство едиство“ се преименува во „Пенестиа“,географски поим за Дебар од илирскиот период.
Освен слика од овој вандалски чин, се поставени и слики како ученичка пишува парола на ѕидот од училницата „ Етничка Албанија„ „Еден јазик, еден народ, една држава, едно знаме“, а друга ја црта картата на „Голема (природна) Албанија“.
Според полицијата, лицата ги забележал чуварот на објкетот, а кога тој почнал да вика побегнале. Бистата е засолнета во прсториите на гимназијата за да не дојде до дополнителни оштетувања.
За утре најавено е поставување огромно знаме на стамбена зграда во градба во близина на зградата на локалната самоуправа, како што стои во повикот спроти фабриката Кнауф.