Фудбалерот на Реал Мадрид Кристијано Роналдо е прогласен за најдобар фудбалер на Европа за сезоната 2015/16. Во изборот учествуваа 55 новинари, а 40 гласаа за Роналдо. Антоан Гризман од Атлетико Мадрид доби 8 гласови, а Герет Бејл соиграчот на Роналдо 7.
– Ова беше неверојатна сезона, изјави Роналдо.
Наградата му беше врачена по одредувањето на групите за новата сезона од Лигата на шампионите.
Кристијано Роналдо покрај титулата европски шампион со Реал, ја освои и титулата европски првак со Португалија.
Во конкуренција кај жените, наградата и припадна на Ада Хегерберг од Норвешка, која настапува за Олимпик Лион. Во конкуренција беа уште: Амадин Анри (Франција) и Џенифер Марожан (Германија).