Членовите на Државната изборна комисија на работен состанок ќе одлучат, кога ќе биде објавен списокот со 39.502 гласачи кои ќе треба сами да се пријават ако сакаат да го задржат гласачкото право.
Оние гласачи кои ќе се најдат на списокот на спорните 39.502 гласачи, ќе имаат 25 дена да се пријават во ДИК, лично или електронски.
Како што беше договорено меѓу партиите,за пријавувањето ДИК ќе испрати јавен повик во земјава и во дипломатско конзуларните претставништва, а ќе има и медиумска кампања.
Овие 39.502 гласачи при теренските проверки не беа најдени дома, а за нив немаше ни повеќе записи во институциите.
Според договорот, три или повеќе членови на ДИК може да побараат дополнителна проверка за секое име, да побараат од граѓанинот да дојде лично доколку е во земјата или да се јави преку видеоконференција, доколку е во странство.
Во посебен извод на Избирачкиот список треба да бидат ставени 171.500 лица за кои се се смета дека се на работа или на привремен престој во странство.