Возачот на Брзата помош кој денеска со празно возило се обиде да направи скандал на блокадите на Шарената револуција со цел провладините медиуми да ги оцрнат демонстрантите е Кирил Теновски, шеф на возниот парк во Брзата помош и член на ВМРО-ДПМНЕ од ОК Бутел. Со Теновски во возилото била и вработена во аптека, снаа на еден поранешен пратеник од коалициона партија на ВМРО-ДПМНЕ, која немала право да биде во возилото затоа што не е вработена во Брза помош.
Како што беше и планот, провладините медиуми преку лажно емотивни приказни удрија по Шарената револуција дека ја блокирала Брзата помош, со што наводно бил доведен во прашање живот на пациент, иако фотографиите покажуваат дека возилото било празно. Ова не е прв пат да се употребува возилата на Брзата помош со цел да направи лажна слика за демонстрантите од Шарената револуција. На секој протест, само што ќе почне, веднаш мора да помине возило на Брза помош низ демонстрантите, но редовно се пропуштале досега, без да чекаат.
На видеото кое е снимано од една провладина телевизија, видливо е дека возилото на брза помош има простор да помине од десна страна, но намерно се насочува кон возилата кои што го блокираат правецот од лева страна, односно правецот кој води кон Палома Бјанка.
Александар Тодески