Времето утре во Македонија ќе биде променливо облачно со сончеви периоди и релативно свежо за овој период од годината. Преку денот ќе има слаб локален дожд особено во северозападниот дел на земјава.
Утринската температура ќе се движи од два до девет, а дневната од 16 до 23 степени.
Во Скопје променливо облачно со сончеви периоди и со услови за слаб локален дожд. Ќе дува умерен ветер претежно од северозападен правец. Утринската температура ќе се спушти до пет, а дневната ќе се искачи до 17 степени.
Во наредните денови ќе преовладува променливо облачно време со сончеви периоди и со изолирана појава на краткотраен дожд, додека пак пообилни врнежи се очекуваат в петок и сабота.