Кинеската полиција разби мрежа за трговија со дрога и конфиксуваше над 400 килограми кокаин, соопштија денеска кинеските власти.
Во операцијата се уапсени деветмина осомничени, вклучувајќи и пет лица од Хонгконг, соопшти полицијата во јужната провинција Гуандун.
Конфискуваните 400,5 килограми кокаин се рекордна количина изминатите години. Разбиена е мрежа за превоз, складирање и дистрибуција, контролирана од трговци со дрога од Хонгконг, додаде полицијата.
Дрогата на пазарот би достигнала цена од над 52 милиони долари.
Кинеските закони предвидуваат смртна казна за трговците со дрога. Смртната казна во земјата се изрекува за случаи на шверц, продажба, производство или превоз на повеќе од еден килограм опиум, 50 грама хероин или метамфетамин или пак иста количина на други дроги.