„Врз основа на анализата за обемот на сомнителните гласачи (над 300.000 ), како и досега завршените вкрстени проверки, повеќе од сигурно е дека ДИК не успеа да го прочисти избирачкиот список, како еден од најбитните услови за одржување на изборите и спречување на можностите за повторување на изборниот фалсификат од помилуваните со одлуката на Ѓорге Иванов.
Со вкрстените проверки ниту еден фантомски гласач не е отстранет од избирачкиот список, туку за тоа треба управна постапка, а иста е состојбата и за тие што се иселиле од Македонија, како и ново креираните гласачи.
Демократскиот сојуз го повикува Трајко Вељаноски да не ги распишува изборите. Наместо избори,Трајко Вељаноски треба да го прифати барањето на пратениците и да свика вонредна седница на Парламентот.
Со одлагање на изборите и свикување седница на Парламентот ќе се создадат услови за институционално да се отворат сите прашања сврзани со изборите, како и за самоволието на Ѓорге Иванов.
Демократскиот сојуз очекува Државната изборна комисија денес да ја информира јавноста дали има услови за избори или не“, соопштуваат од Демократскиот сојуз.