Најмногу дожд во изминатото деноноќие во Македонија наврна во Виница, 30 литри на метар квадратен, 28 во Крива Паланка, 27 во Берово, 21 Ѓуриште, 19 Куманово и Струмица, 18 во Штип, 16 Пожар…, информира Управата за хидрометеоролошки работи (УХМР).
Снежна покрива од четири сантиметри има во Лазарополе и Маврово.
Времето денеска ќе биде променливо облачно со сончеви периоди. Локално ќе има услови за слаб дожд. Ќе дува слаб ветер од променлив правец. Температурата ќе се движи од 9 до 16 степени.
Во Скопје, променливо облачно со сончеви периоди и со слаб југоисточен ветер. Максималната температура ќе достигне до 14 степени.
Утре попладне и во недела под влијание на нов влажен бран повторно ќе има врнежи од дожд, кои на повеќе места се очекува да бидат обилни, локално над 30 литри на метар квадратен. Променливо облачно ќе биде и во почетокот на наредната недела, но врнежите ќе бидат локални и со послаб интензитет. Ќе дува и умерен до засилен северен ветер.