Со цел да се поддржи работата на Специјалното јавно обвинителство, формирана е неформална граѓанска платформа под името „Специјално за Специјалното Јавно Обвинителство”.
„Специјално за СЈО е доброволна и неформална граѓанска платформа организирана за поддршка на работата и функционирањето на Специјалното Јавно Обвинителство како специјална институција која ќе помогне за да се врати и подобри владеењето на правото во Република Македонија.
Специјално за СЈО е автономно тело составено од граѓани на Р.Македонија кои како носител на суверенитетот на државата се првите повикани да воспостават владеење на право во државата.
Специјално за СЈО ќе организира настани и реакции со една цел,зголемување на поддршката за ова институција, како и лобирање и директно помагање на работата и функционирање на институцијата.
Специјално за СЈО ќе се бори против сите препреки и опструкции за непречено функционирање на СЈО.“, се вели во соопштението од граѓанската платформа