Лидерот на СДСМ, Зоран Заев пред жителите на Капиштец, кажа дека со доаѓање на власт ќе заврши харањето на извршителите и наплаќањето на големи суми од граѓаните.
-Народот е доведен на питачки астап, сите механизми од нашата пргорама се насочени кон враќање на украдените пари. По сите основи парите ќе ги враќаме, како што се рамноправно оданочување, богатите ќе платат повеќе, сиромашните помалку, тоа е чесно. ДДВ враќање мора да има, предлогот од 15 проценти од тоа да се в враќаат на граѓаните, зашто народот ако има пари ќе си ги плати давачките и кредитите, даноците. Но уште душата остана кај народот, од што хараат извршители насекаде. Е нема, ќе ги укинеме. Сите огромни такси на извршителите ќе ги укинеме, не може за 1000 денари, да земаат и наплаќаат 11.000 денари. Казните, мора да има опомена, не може малото дуќанче да го казните 3500 евра и некој голем макркет 3500 денари, мора да има рамноправност за се и за сите, рече Заев.