Европскиот суд за човекови права утврди дека во случајот на лустрираниот судија Трендафил Ивановски постои повреда на членот 6 и членот 8 од Европската конвенција за човекови права, пренесе Академик.
По одлуката на Лустрациска комисија, дека Трендафил Ивановски бил соработник со тајните служби, тој до Европскиот суд за човекови права се жалеше дека лустрациските постапки не биле фер и дека му биле нарушени неговиот углед и достоинство. Ивановски се жалеше и дека во постапките немало еднаквост на оружјата, немал доволно време да ги подготви аргументите, како и дека не му бил овозможен пристап до досиејата.
Во однос на наводите на Ивановски, Европскиот суд за човекови права смета дека постоела повреда на членот 6 и членот 8 од Европската конвенција за човекови права, пресудувајќи дека лустрациските постапки не биле фер и дека му било нарушен угледот и достоинството на Ивановски. Според пресудата, државата, т.е. граѓаните на РМ ќе треба да му платат отштета од 5. 350 евра.