Берово е најстудениот град на првиот ден од новата година. УХМР измери – 18 степени во Берово,-16 во Крива Паланка, -15 во Лазарополе, – 14 во Скопје и Маврово, -13 во Пожар, Битола, Прилеп, Куманово, Крушево, -12 во Тополчани, Пожаране, Демир Капија, Струмица, Штип, Виница, -11 во Ѓуриште, Тетово и Претор, -10 во Охрид, -9 во Гевгелија и -7 во Дојран.
Во земјава преовладува сончево и многу студено време со слаб ветер од северен правец. Денеска ќе биде сончево и студено, попладне со мала до умерена облачност. Ќе дува слаб ветер од променлив правец. Највисоката температура на воздухот ќе се движи во интервалот од -4 до 6 степени.
Скопје сончево и студено со слаб ветер од променлив правец. Највисоката температура ќе достине до 2 степена.
Утре времето ќе биде сончево со мала до умерена облачност и со слаб ветер од јужен правец. Дневните температури ќе бидат во благ пораст. Од недела следува период на променливо облачно време со повремени врнежи од дожд и снег, а на повисоките места и планините од снег. Врнежите ќе бидат со променлив интензитет.