Атлетската федерација на Македонија на денешната свеченост ги прогласи најуспешните за 2015 година Ристе Пандев во машка и Фросина Ристеска во женска конкуренција.
Со постигнатите резултати како и настапот на првите Европски игри во Баку, Пандев и Ристеска заслужено ги понесоа признанијата за најдобри атлетичари на Македонија за оваа година.
Признанија за најдобри во младинска конкуренција добија Александар Танески и Дрита Исмаили, а за најуспешни помлади младинци беа прогласени Мартина Мироска и Никола Стојаноски.
За најдобри тренери признанија добија Ване Стојанов, Филип Колески и Влатко Давитков, додека Зоран Михајлов, Ристо Трајковски и Митре Кичевски се добитници на наградата за животно дело.