При средбата со комесарот на ЕУ за проширување и европска политика Штефан Филе, бугарскиот претседател Росен Плевнелиев ја искористил можноста да ја критикува Македонија.
„Во Македонија се забележува тренд на националистичка реторика, дискриминаторски однос кон граѓаните со бугарско чувство и има многу административни бариери за бугарскиот бизнис“, изјави Плевнелиев.
На средбата, како што јави агенцијата “Фокус”, Плевнелиев додал дека не се согласува со формулациите во извештајот на Европската комисија за Македонија.
„Според нас извештајот на ЕК за напредокот не одразува соодветно улогата на Македонија во регионалната соработка и состојбата на билатералните односи меѓу Бугарија и Македонија“, нагласил Плевнелиев.
