Турција објави аудио снимка на која се слуша предупредувањето упатено до рускиот авион, кој беше урнат вчера на границата со Сирија. Турција тврди дека авионот го нарушил нивниот воздушен простор.
„Говори турската авиација. Се приближувате кон воздушниот простор на Турција. Променете го својот курс на движење моментално“.
Турската војска издаде соопштение во кое се наведува дека рускиот авион Сухој бил предупреден 10 пати на секои 30 секунди, пред да биде урнат од турските борбени авиони Ф-16.
Воениот врв на САД го поддржа тврдењето на Турција.
Двајцата руски пилоти успеале да се катапултираат пред да се урне авионот, но само еден од нив преживеа. Другиот пилот беше убиен од сириските бунтовници.