„Уредникот Никола Груевски во изминатите 10 години ја задуши слободата на медиумите во Македонија.
Македонија е најлошо рангирана по слобода на медиумите од сите земји во Европа и регионот на Западен Балкан, според Репортери без граници.
Катастрофалната состојба со слободата на медиумите е потврдена и во Извештајот на Европската комисија. Комисијата забележува уназадување на слободата на изразување во Македонија, нотира заплашување на новинарите и изразува сериозна загриженост за уредувачката политика на јавниот сервис МРТВ.
Груевски најголем проблем има со слободата и со вистината.
Чекор за враќање на слободата на изразување е обезбедување и гарантирање на слободата во медиумите.
Јавноста мора да има пристап до објективно и точно известување, особено од јавниот радиодифузен сервис. Почитување на професионалните и етички стандарди за информирање на граѓаните а не диксредитација и напади врз критичките, професионалн новинари и медиуми.
Објективно и точно известување со загарнтирана слобода на говор наместо нарачани вести, лаги и манипулации.
Транспарентност, отчетност и работа за интересите на граѓаните наместо „про форма“ сопственици и уредници со уредувачката политика во рацете на некој друг.
Таков е примерот со медиумите на Груевски, познатите медиумски курири и интеренет портали, каде што не може да се најде вистинскиот сопственик но граѓаните го знаат уредникот, Никола Груевски.
Враќањето на слободата е незапирлив процес. Граѓаните имаат право на слобода на избор, имаат право на слобода на мисла, на слобода на говор.
Граѓаните сакаат да живеат во Македонија со европски вредности. Доаѓа слободна и Европска Македонија“, се вели во соопштението на СДСМ.