Еврокомесарот за проширување, Јоханес Хан, на својот твитер профил најави дека наскоро ќе бидат објавени извештаите на Европската комисија за напредок и европска интеграција на земјите кои претендираат за членство во Европската унија. Хан во својот коментар најави и поконкретни забелешки.
“Our #ELARG reports, which we will publish soon, will allow the public, civil society and media to follow progress and required actions”.1/2
— Johannes Hahn (@JHahnEU) November 4, 2015
“And we will be very clear in our assessment”. 2/2
— Johannes Hahn (@JHahnEU) November 4, 2015
„Нашите извештаи за проширување, кои ќе бидат објавени наскоро, ќе и дозволат на јавноста, граѓанското општество и медиумите да го следат напредокот и потребните акции. Ќе бидеме многу јасни во нашата проценка”, напиша Хан.
Објавувањето на извештаите неколку пати се одложи, а како причина се наведени случувањата во Турција, пред се третманот на турските власти кон бегалската криза. Европската комисија ја критикува Турција поради авторитарното владеење на Ердоган, па се очекува оваа земја годинава да добие поостри критики.
Според дел од медиумите во регионот, извештаите оваа година ќе се однесуваат во поголема мера на бегалската криза и начинот на кој владите се справуваат со неа, а помалку на самото прашање за проширување на Европската унија.
Неизвесно ќе биде до последен момент дали Македонија ќе добие уште една препорака за почеток на преговори, затоа што не беше испочитуван договорот од Пржино со кој требаше да се надмине политичката криза во земјава.