Според последните информации од метеоролошките станици низ земјава, во северозападниот планински дел, на местата повисоки од 1100 м.н.в. има повремени врнежи од снег со слаб до умерен ннтензитет, јавува УХМР.
Времето денеска со интензивни врнежи од дожд и релативно ниски температури.
Врвот Пелистер и падините на Баба Планина се под снежна покривка.
Од предавателен пункт „Пелистер“, кој се наоѓа на надморска височина од 2.601 метар, снежната покривка е распространета в долж планината, но не е многу висока и денешното сонце на Пелистер ќе ја стопи.
– Во овој период од годината вообичаено снегот е секојдневие, а некогаш има и по 1,5 метри снежна покривка. Но, годинава или во оваа сезона го регистриравме првиот снег, потврди Митко Попрцов од Предавателниот пункт „Пелистер“.
