Папата Франциско, кој е во посета на Куба, вчера одбележа годишнина од денот кога како младо момче решил да стане свештеник, упатувајќи кон Кубанците деликатна порака: да ги надминат идеолошките убедувања и да посакаат промена.
Папата го посети четвртиот по големина град во Куба, Олгин, каде отлужи миса на отворено.
Група деца и возрасни кои пееја во хор, развиорија знамиња на Куба и на Ватикан, пречекувајќи го папата со извици: „Франциско, Олгин е со тебе!“.
На Плоштадот на револуцијата во градот беа собрани илјадници лица.
– Знам по цена на колкави напори и на какви саможртвувања работи црквата на Куба, со цел да ја однесе до сите и до најоодалечените населби пораката и присуството на Христос, изјави папата.
На мисата во Олгин присуствуваше и кубанскиот претседател Раул Кастро, кој се ангажираше да биде на сите миси, отслужени од папата.
По посетата на Куба папата ќе замине за Вашингтон.