Судот во Џакарта денеска го отфрли барањето на поранешниот министер за религиозни прашања на Индонезија, Али Сурјадарма за деблокирање на неговите банкарски сметки.
Останува на сила и одлуката за блоирање на банкарските сметки и на членовите на неговото семејство.
Моќната комисија за антикорупција на Индонезија го обвини министерот дека од лажирани трансакции за оганизирање на аџилак од 2010 до 2014 година, тој присвоил најмалку 3,72 милиони долари.
Поротата во Џакарта проценила дека документите за корупцијата на поранешниот министер се валидни и го задолжи обвинителот побрзо да го докмплетира обвинувањето. Ако биде прогласен за виновен, Сурјадарма ќе биде задолжен да ги врати парите, а го очекува затвор од најмалку шест години.
Ова е четвртиот министер од поранешната индонезиска Влада на кој му се суди за корупција. Тројцата се веќе осудени да вратат над 100 милиони долари и ги издржуваат затворските казни.