Бегалец од Сирија пред поаѓањето на возот кон Србија кажа дека неговиот сон е да оди во Германија и дека поминал вистинска голгота додека дошол до тука.
-Јас сум од Сирија. Јас немам повеќе ништо, ниту пари, ниту куќа, ниту држава, ништо немам. Тоа е голем проблем, затоа сега одам со моето семејство во Европа, рече тој.
-Овде дојдов од границата преку Грција, немаме повеќе ништо и навистина сме премногу уморни. Тука има премногу армија, но ние не сме терористи. Зошто е армијата тука, ние сме луѓе, ние сме како сите вас, исти сме . Башар ал Асад е голем проблем, Сирија беше мирна земја, сега ја направи лоша држава. Јас сака да одам в Германија, ја мрзам мојата држава. Моја држава сега е Европа.
За да поминам низ Македонија, пет пати доаѓав од Измир до Грција и толку пати ме враќаа. Ми ги зедоа сите мои пари и сега немам ништо, но имам сон, а тоа е да одам во Германија, и сега одам во Германија, рече тој.