„Чуварите на демократијата“ изгледа се уште не дознале дека и нивниот лидер, премиерот Никола Груевски, ставил потпис на договорот од Пржино, со кој е предвидено следните избори да не ги води тој како премиер и дека министри, меѓу кои и оној за внатрешни работи, ќе си заминат есенва и дека ќе има заменици министри од опозицијата.
Очигледно веста од Пржино до Кампот пред собрание, тешко патува, па не чуле и дека специјален обвинител ќе ја испитува аферата „Пуч“.
Додека вчера, според договорот, оние што 60 дена седеа пред Влада, го напуштија Кампот и ги собраа шаторите, на контра камперите пред собрание никој не им кажал што се случува и не добиле наредба да се дислоцираат од Жена Парк.
Пред два дена во анкета за а1 он, тие тврдеа дека ниту Груевски ќе замине, ниту никој од министрите.