Македонскиот атлетичар Ристе Пандев на трката на 100 метри на Европските олимписки игри што се одржуваат во Баку го освои второто место и тоа беше најдобро постигнување на македонските атлетичари на денешниот ден. Тој патеката ја истрча за 10.70 секунди, што е негов најдобар резултат сезонава.
Македонската репрезентација во атлетика ја претставуваат 28 атлетичари, по 14 во двете конкуренции, а ќе се натпреваруваат во 42 дисциплини.
Атлетските натпревари се воедно и од 3.та лига од рамките на ЕАА на кој ќе учествуваат 14 држави и тоа: БиХ, Малите земји, Црна Гора, Грузија, Албанија, Андора, Молдавија, Австрија, Словачка, Израел, Азербејџан, Малта, Луксембург и Македонија.
Утре е вториот ден од атлетските натпреварувања на Европските олимписки игри во Баку.