Данската премиерка Хеле Торнинг-Шмит призна пораз на парламентарните избори и најави дека ќе се повлече од местото лидер на Социјалдемократската партија.
Изборите во Данска се одржаа синоќа. Опозицијата од десниот центар победи на парламентарните избори, објавија ноќеска дански медиуми.
Опозицијата ја сочинуваат Либералната партија и Данската народна партија кои освоија 90 места во парламентот.
Партијата на левиот центар што ја предводи Торнинг-Шмит освои 85 места во парламентот во кој има 179 пратенички мандати.