Во романскиот воен полигон Чинку во округот Брашов почнаа вежбите за теренско распоредување на штабот на силите за брзо реагирање на НАТО, во кои учествуваат над 1,000 војници од 25 земји на Алијансата, соопшти романското министерство за одбрана.
Во рамки на воените вежби, кои ќе траат до 28 јуни, за првпат команданата на заедничките сили на НАТО е префрлена од Неапол во Романија за командување со силите за брзо реагирање на Алијансата.
– Вежбите треба да демонстрираат дека НАТО се трансформира и прилагодува кон новите предизвици за безбедноста, со кои се соочуваат земјите на Алијансата, изјави командантот на заедничките сили на НАТО во Неапол адмирал Марк Фергусон, кој ќе раководи со вежбите.