Македонската фудбалска репрезентација направи скок од пет позиции на најновата ФИФА рејтинг листа објавена денеска и сега се наоѓа на 100.место.
Следниот противник на „црвено-жолтите“ во квалификациите за ЕП 2016, репрезентацијата на Словачка напредуваше за две позиции и од 19 скокна на 17.место.
Од другите противници во нашата квалификациска група најдобра е Шпанија на 10.место, Украина е 35-та, Белорусија се наоѓа на 80.место, а Луксембург е 131.ви.
Десетте најдобри ги предводи Германија, Белгија со скок од едно место изби на втората позиција, а потоа следуваат Аргентина, Колумбија, Бразил, Холандија, Португалија, Уругвај, Франција и Шпанија.
Следното рангирање ФИФА ќе го направи на 9 јули.