Во организација на Центарот за развој на медиуми, денеска во Скопје ќе се одржи регионалната конференција „Медиумите и јавниот интерес – ризици и предизвици“.
Конференцијата е посветена на повеќе прашања поврзани со медиумите и нивниот однос кон јавниот интерес.
На Конференцијата, во четири засебни сесии, ќе говорат бројни гости од академската и медиумската заедница во регионот (Унгарија, Србија, Хрватска и Босна и Херцеговина) и во земјава, како и претставници на меѓународни организации (Совет на Европа).
Конференцијата е дел од активностите кои Центарот за развој на медиуми ги спроведува во рамките на програмата на УСАИД за зајакнување на независните медиуми во Република Македонија и Проектот за одговорни медиуми и законодавни реформи во медиумската сфера.
