Џихадисти од групата Исламска држава (ИД) со лични документи на државјани од многу европски земји, меѓу кои и од Косово и Албанија, патуваат во разни земји од светот, јави косовската телевизија.
– Во една од канцелариите на ИД во Сирија се пронајдени многу лични документи. Иако нив ги има во голем број, во прилогот на една телевизија од Дубаи, се гледаат најмалку два пасоша и шест лични карти од Косово, наведува косовската телевизија, според која, ИД поседува и поголем број пасоши и лични карти на албански државјани.
Како што јави дописникот на МИА во прилогот се наведува дека со сигурност не може да се потврди од каде тие ги добиле документите, односно дали ги украле, дали им се дадени доброволно од оние кои и се приклучуваат на ИД или пак се продадени за големи суми на пари.