Со перформанс на крстосницата пред „Глобал“ и со едноминутно молчење во знак на почит за загинатите припадници на полицијата во Куманово, струмичани го започнаа вчерашниот протестен марш.
Маршот по струмичките улици постојано се зголемуваше со незадоволни граѓани од диктаторскиот режим на Груевски. Од поворката громогласно се слушаше „Оставка“, „Збогум Никола“, „Долу влада“, „Никола оди си“.
Од улиците маршот продолжи низ градскиот парк и заврши на плоштадот „Гоце Делчев“. Од таму, струмичани на Груевски му порачаа дека в недела ќе пристигнат во масовен број во Скопје, за да ја побараат оставката од него и неговата криминална влада.
