Главниот и одговорен уредник на телевизијата „Канал 5“, Лидија Богатинова демантира дека дала оставка од својата позиција.
Таа за „А1ON“ не сакаше да даде конкретен одговор за шпекулациите дека ја напушта оваа позиција, но на прашањето дали останува на функцијата, таа рече дека нејзиното одбивање да даде коментар може така да се толкува.
Утринава порталите информираа дека Богатинова ја напушта телевизија по неколкуте гафови направени во вестите кои кулминираа вчера кога двајца соговорници беа прекинети во нивните изјави за време на директниот пренос, затоа што упатија критики кон власта за настаните во Куманово.