Турските сили за безбедност започнаа операција против скривалишта и магацини на бунтовници на Курдската работничка партија (ПКК) во Југоисточна Турција, соопшти турската армија.
Во соопштението се наведува дека во операцијата во регионот на Мазидаги во округот Мардин, во Југоисточна Турција, учествуваат пет воени единици.
Операцијата е преземена по повикот, објавен во саботата од лидерот на ПКК Абдулах Оџалан кон курдските бунтовници да свикаат конгрес, со цел да донесат одлука за ставање крај на 40-годишната вооружена борба против Турција.
Повикот Оџалан го објави во писмо по повод курдската Нова година.