Две маскирани лица од кои едното вооружено со пиштол, синоќа околу 21 часот ја ограбиле продавницата „Стена Маг” на улицата „Октoмвриска Револуција” во Куманово.
Како што информира МВР, со закана, тие од касата одзеле 21.650 денари и ваучери од ВИП оператор, 15 во вредност од 200 денари, а 20 од 100 денари, стекнувајќи противправна имотна корист од околу 26.650 денари.
Се преземаат мерки за пронаоѓање на сторителите.
Две маскирани лица од кои едното вооружено со пиштол синоќа, исто така околу 21 часот, ја ограбиле продавницата „Спринг Бобан“ ДООЕЛ на улицата „Народна Револуција” во Куманово. Откако влегле и се заканиле на вработените, од касата одзеле 24.000 денари.
МВР презема мерки за нивно пронаоѓање.