Тропскиот циклон Пам, кој кон крајот на минатата недела ја опустоши тихоокеанската држава Вануату, продолжува да се движи кој југ и се приближува кон Нов Зеланд.
Силатата на циклонот, кој имаше петта, максимална категорија, со брзина на ветрот од 300 километри на час, денеска почна да се намалува. Метеоролозите прогнозираат дека епицентарот на циклонот ќе го заобиколи Нов Зеланд.
На новозеландскиот Северен Остров ветерот се движеше со брзина од 144 километри на час, а поголем дел од островот беше поплавен од обилните дождови, поради што населението беше евакуирано. Во неколку градови има прекин на снабдувањето со електрична енергија.
Претседателот на Вануату, Болдвин Лонсдејл изјави дека циклонот разурнал 90 проценти од зградите во главниот град Порт Вила, а шест лица загинаа, а 30 се повредени.
Според податоци на Обединетите нации најмалку 44 луѓе загинаа на архипелагот, кој е составен од 80 острови.