Дрскост е тоа што СДСМ, партијата која нема ниту еден проект зад себе, ги критикува тие кои што градат и што имаат оставено многу проекти зад себе. Во време на СДСМ не се градеа ниту гасоводи, ниту патишта, ниту железнички пруги или било каква друга инфраструктура, наведува ВМРО-ДПМНЕ во реакцијата на соопштението на опозициската партија.
– СДСМ ги држеше граѓаните во економско ропство, притоа избркаа 200.000 луѓе од работа, затворија стотици стопански капацитети во сите делови на Македонија, спроведоа криминална приватизација и им овозможија на своите олигарси да го приграбат општествениот капитал, додека стандардот на граѓаните стрмоглаво опаѓаше, се наведува во соопштението од ВМРО-ДПМНЕ.
Партијата, како што се наведува во текстот, ја интересираат потребите на граѓаните и оттука ВМРО-ДПМНЕ ќе продолжи да работи во интерес на граѓаните и ќе продолжи да гради автопати, локални и регионални патишта, да инвестира во водоводи, канализации, во изградба и реконструкција на училишта, болници, градење на железнички пруги и изградба на гасоводната мрежа во државата.