Македонскиот атлетичар Ристе Пандев денеска настапи во квалификациите во трката на 60 метри на Европското првенство во сала што се одржува во Прага и го подели 33. место со Тамаш Бенко од Словачка. Тој постигна време од 6.91 секунда, што е негов најдобар резултат сезонава во сала.
Пандев претходно имаше истрчано 6.99 секунди во Истанбул, додека неговиот најдобар резултат е 6.86 секунди и го истрча во Маглинген. Вчера во квалификациите на 400 метри кај жените настапи Христина Ристеска и го освои 28. последно место.
Пандев и Ристеска беа македонските претставници на ЕП во сала во Прага.