Американскиот амбасадор во Јужна Кореја, Марк Липерт вчера бил нападнат од маж кој што во рацете имал брич, пренесуваат јужнокорејските медиуми.
Според наводите тој во моментот на нападот извикувал дека Јужна и Северна Кореја повторно треба да се обединат.
Инаку како што пренесе „Асошиејтед прес“ повредите кои му се нанесени на Липерт не се опасни по живот, а напаѓачот чие што име е Ким е уапсен.
Липерт (42) од минатата година е на должност амбасадор во Сеул и е доста популарен во Јужна Кореја, а со сопругата на детето кое го добиле во оваа држава му дале средно име со корејско потекло.
Е.Г.