СДСМ нема никаков кредибилитет да говори за почитувањето на правото, институциите и граѓаните во Република Македонија, реагира ВМРО-ДПМНЕ на изјавата на генералниот секретар на СДСМ Оливер Спасовски.
Во писмената реакција се наведува дека токму СДСМ е партијата чиј лидер јавно признал дека соработува со странски служби со цел креирање на криза и политичка дестабилизација на Македонија.
– СДСМ наместо да се расфрлаат со неаргументирани обвинувања, треба да се срамат од ова нивно крајно неодговорно однесување. Јасна е нивната нервоза и политичка дезориентираност бидејќи се свесни дека се фатени на очиглед на јавноста во сопственото сценарио за кое постојат докази и јавни признанија, се вели во реакцијата.