Директорот на Фондот за здравствено осигурување на Македонија, Џемали Мехази, денеска поднесе оставка на функцијата.
Во своето обраќање Мехази образложи дека оставката ја дава како морална одговорност во врска со смртта на Тамара Димовска.
– Во вршењето на мојата функција, за овој случај и сите други слични случаи, направив сè што ми беше овозможено во рамки на законот. Случајот на Тамара ме погоди како човек и како родител. Додека ја извршував оваа функција, лично сум се залагал за да се решаваат сите случаи кои се обратиле до ФЗОМ секако во согласност не само со законските обврски и водено од лична совест. За мене и моите соработници немаше значење, во ниту еден момент, името, етничката и верската припадност, во изнаоѓање решенија за нашите граѓани, истакнува Мехази.
Оставката на Мехази доаѓа неколку часа откако од функцијата се повлече и директорката Парнарџиева – Змејкова.