Сомнителното писмо, откриено во близина до Културниот центар „Крудтонден“ во Копенхаген, не содржело експлозив соопштија деминерите.
По 20-минутна проверка полициски деминери наведоа дека писмото е безопасно. Во писмото пишувало за убиството на еден човек и ранувањето на тројца полицајци за време на викендот во Копенхаген.
Во саботата вооружен маж отвори оган во Културниот центар „Крудтонден“, каде се одржуваше дискусија за слободата на изразување и богохулењето. Напаѓачот врз Културниот центар потоа пукаше и пред синагога, а беше ликвидиран од полицијата.
Вкупно две лица загинаа, а петмина се повредени во нападите во Копенхаген, за време на викендот.