Во Минск договорен прекин на огнот во Донбас

Од:

Учесниците во преговорите во Минск успеаја да се договорат за прекин на огнот во зоната на конфликт во Украина од полноќ по киевско време на 15 февруари и за повлекување на тешкото оружје, соопшти претседателот на Русија Владимир Путин.

– Се договоривме според мене, за многу нешта. Прво се договоривме за прекин на огнот од полноќ на 15 февруари, изјави рускиот претседател.

Според Путин, втора договорена рабоота е повлекување на тешкото оружје „од сегашната линија на поделба договорена на 19 септември лани“.

ТАСС јави дека лидерите на сепаратистите се согласиле да го потпишат документот.

Руската телевизија јави дека Путин рекол оти преговорите биле исполнети со тензии, како и дека имал директни разговори со украискиот претседател Петро Порошенко.

Според рускиот претседател, работата продолжува на експертско ниво за „другите детали“. Станува збор за постигнување согласност за сеопфатен договор во кој би било договорено и прашањето за тешкото оружје и неговото повлекување и за создавањето на демилитиризирана зона,меѓу завојуваните страни.

Рускиот претседател рекол дека е потребен директен контакт меѓу украинските власти и оние кои ја контролираат територијата во Источна Украина во Донецк и Луганск.

Претходно, руските медиуми утринава јавија дека на преговорите на кои учествуваат и францускиот претседател Франсоа Оланд и германскиот канцелар Ангела Меркел по 16 часови е постигната согласност за 80 отсто од работите, како и дека ќе се обезбеди прекин на огнот во следните 48 часови.

Овие медиуми тврдеа и дека сите учесници на преговарачката маса сакаат да се постигне договор, но дека Порошенко не ги прифаќа понудените решенија.

Би можело да ве интересира

Украина и Молдавија официјално ги отворија пристапните преговори со ЕУ

Горан Наумовски

ЕУ ги отвори пристапните преговори со Украина

Горан Наумовски

(ВИДЕО) Напад на синагога и црква во Русија: Има мртви

Предраг Петровиќ

(ВИДЕО) Москва ја опустоши невреме, се формираше торнадо: Најмалку две лица загинаа

Предраг Петровиќ

Повеќе од 52.000 украински војници поминале обука како дел од помошта на ЕУ за Украина

Пентагон: Употребата на оружје на Украина од САД не е ограничена само на Харков

Горан Наумовски