Во организација на Македонската академија на науките и уметностите, Филозофскиот факултет-Скопје, Филозофско друштво на Македонија и Амбасадата на Велика Британија-Скопје денеска во Скопје предавање на тема „Британските емпиристи III: Ејер и логичкиот позитивизам“ ќе одржи професорот Стефан Прист.
На настанот свои обраќања ќе имаат академикот претседателот на МАНУ Владо Камбовски,раководителот на Институтот за филозофија проф. д-р Иван Џепароски, претседателот на Филозофското друштво на Македонија Љупчо Митковски, и амбасадорот на Велика Британија Чарлс Гарет.
Стефан Прист е професор по филозофија на Белкфраерс Хол, еден од најстарите колеџи на Оксфордскот универзитет. Член е и на Колеџот Волфсон, Оксфорд и на Хјуџиз Хол, Кембриџ.
Автор е на повеќе дела, меѓу кои позначајни се „Британските емпиристи“, „Теори за умот“, „Мерло-Понти“, „Субјектот доведен во прашање“, „Ниче и Зен“, „Кантовиот напад на картезијанскиот дуализам“.
Бил и уредник на Хегеловата критика на Кант и Жан-Пол Сартр: Основни списи, Филозофски речник.
Предавал на универзитети во САД и Европа. Неговите дела се преведувани на холандски, шпански, руски, јапонски и корејски јазик.
Во 2007 година во МАНУ е промовирана неговата книга „Теории за умот“, во превод на д-р Ристо Солунчев.