Во текот на ноќта Македонија беше зафатена од врнежи од снег и дожд кои создадоа снежна покривка на планините и на некои пониски места.
Според Управата за хидрометеролошки работи, во Маврови Анови висината на снежната покривка изнесува 59 сантиметри, во Крушево 51, Тополчани 45, Пожаране 21, Охрид и Претор 11, Тетово и Ѓуриште 10, во Скопје на Зајчев Рид и во Прилеп 5 сантиметри.
Најмногу дожд во изминатите 24 часа има наврнато во Крушево 80 литри на метар квадратен, во Охрид 61, Прилеп 57, Пожаране 50, Тополчани 47, Претор 46, Битола и Демир Капија 45, Тетово 41, Штип, Дојран и Пожар 40, Скопје 37, Крива Паланка и Берово 35, Куманово 31, Струмица 30, Гевгелија 28, Виница 27, Ѓуриште 23….
Денес ќе биде облачно со врнежи од дожд, а од градовите сеуште врне снег во Скопје и Тетово. Во Осоговскиот регион дува засилен северозападен ветер.
Пообилни врнежи ќе има претпладне во јужните делови, а во текот на денот ќе бидат повремени и со послаб интензитет. Ќе дува умерен до засилен ветер од југозападен правец, кој на моменти локално ќе достигнува брзина до 80 км/час.
Во следните денови ќе преовладува облачно време со повремени врнежи од дожд и снег на пониските и снег на повисоките места и на планините. Преодно стабилизирање на времето се очекува во вторник.