Студентите, професорите и граѓаните само еден час откако пратениците ги изгласаа спорните измени за високото образование, соопштија дека почина „Високото македонско реформирано образование“.
Собрани пред собранието палеа свеќи. На некрологот пишува:
„Со длабока тага ја известуваме сета македоснка јавност дека по долго и тешко боледување на ден 14.01.2015 почина Високото македонско реформирано образование (1949-2015). Последното испраќање на нашето мило и никогаш непрежалено ќе се одржи на ден 14.01 во 19:00 часот пред собранието на Македонија. Предвидено е погребот да го изврши претседателот на собранието Трајко Вељаноски, додека проштален говор пред телото на починатиот да одржи претседателот на Македонија, Ѓорге Иванов. Ги повикуваме сите сегашни поранешни, идни студенти и професори и сета македоснак јавност во споменатиот час да дојдат пред собранието, со минута молчење да се простат од упокоениот и да запалат свеќа на неговиот гроб. Ожалостени студенти на Македонија, професори на Македонија“.
По изгласувањето на законот останува претседателот Иванов, инаку професор, да го потпише или да стави вето на законот.
При посетата на професорскиот пленум тој изјави дека во овој случај ќе постапи како државник.
